ලංකාවේ පවතින ක්‍රමය අනුව උසස් පෙළ විභාගයේ අතිශය තරගකාරී සටනකින් පසු වෛද්‍ය ශිෂ්‍යයින් සීමිත පිරිසක් බඳවා ගත් නමුත් එම තරගය හෑල්ලූවට ලක්කරමින් මුදල් ඇති අයට පහසුවෙන් වෛද්‍ය සිසු වරම් දීම පිළිබඳ සිසුන් සිදු කරන විරෝධය කාලයක් තිස්සේ පැවතුණා.
කෙසේ වෙතත් එය පිහිටවූ ආකාරය කාහටත් ප්‍රහේළිකාවකි.
මාලඹේ පිහිටි පුද්ගලික වෛද්‍ය විද්‍යාලයට රජයේ වෛද්‍ය සභාවේ අනුමැතිය ලැබී නැති බවත් ශ්‍රී ලංකා නීතිය යටතේ කවර නීතියකින්වත් එය පිහිටුවීමට අවසර ලැබී නැති බවත් රජයේ වෛද්‍ය නිලධාරීන්ගේ සංගමය දැනුම් දෙනවා.
කෙසේ වෙතත් 2010 සිට අධ්‍යයන කටයුතු අරඹා ඇති දකුණු ආසියානු තාක්ෂණ හා වෛද්‍ය ආයතනය නමැති මාලඹේ පිහිටි මෙම ආයතනය උසස් අධ්‍යාපන අමාත්‍ය එස් බී දිසානායකගේ පූර්ණ අනුග්‍රහය අනුබලය ලබා ඇති ආයතනයකි.මෙම ආයතනයෙන් වෛද්‍ය මෙන්ම ඉංජිනේරු හා අයි.ටී. උපාධිත් මුදල් ගෙවා ඉගෙන ගත හැකිය.
එම් බී බී එස් උපාධිය වසර 5 ක පාඨමාලාවක් වන අතර ඒ සඳහා අවශ්‍ය අවම අධ්‍යාපන සුදුසුකම උසස් පෙළ විභාගයේදී 'එස්' සාමාර්ථ 3 ක් පමණි.
